小兒是末代會考生，正就讀中六理科。最近派成績表，上學期考試物理、化學、生物皆名列三甲，惟有一科全級 64人考第 56。咦，究竟係邊科呢？等我戴番副眼鏡睇下先。哦，原來係體育，正常吖。
回想小兒讀小學四年級的時候，有一段日子返學返得特別早。我問點解。佢話返去睇人打波，同埋幫人執波。但過不了多久，他便再沒有提早返學了。看來同學也嫌佢執波執得慢。
從小學到中學，小兒音樂唔掂、繪畫唔掂，連體育都唔掂，手無搏雞之力，淨係得把口。喲，唔使驗 DNA 嘞，佢一定係我個仔。
Like father like son！
沒有留言:
張貼留言