求才若渴

立法訂定最低工資之後，Saif 以為請人會較以前容易，殊不知千揀萬揀，仍換來一肚子氣。

他最近聘請兼職侍應，一名正就讀副學士的少女前來應徵，講明無經驗，只做暑期工。「冇所謂。」Saif 說話半鹹半淡，一句中一句英：「你未做過我可以教你。不過如果有顧客問免費 Wi-Fi 嘅密碼，你會點講？」「咁密碼係乜？」「Good！係 thanksforyoursupport，all the way，no space。」「乜話？聽唔到。」「係 thanksforyoursupport。」「點樣串？」「吓！讀到副學士，竟然連 thanks for your support 都唔識串？」

他說，副學士試工幾日，終於炒魷。「而家啲後生仔女真係冇鬼用，中文唔得，英文唔得，熱啲唔得，凍啲唔得，話下唔得，準時返工唔得，食遲啲唔得，做嘢冇伴唔得，唔傾偈唔得，唔講手機唔得，總之乜都唔得。」

無獨有偶，十幾年前我的舊老闆已經講過：「未夠三十歲都唔請，尤其是吊兒郎當，冇負擔冇責任嗰啲。」但那是十幾年前的標準，換了今天，相信80後也不外如是，甚至更不堪。