香港人

小兒第一次吃自助餐時只有五歲，地點是沙田一間酒店。面對琳瑯美食而可以自選理應是一個愉快的經驗；橙汁、沙律、冷盆、羅宋湯、燒牛肉、魚生壽司、咖喱雞、炒飯、意大利粉、蛋糕、果凍 ...... 真 是目迷五色。但小兒卻逆向而行，偏要從果凍開始，然後蛋糕、意大利粉，到吞下兩件壽司，肚仔已經脹卜卜了。我們叫埋單的時候，一直悶聲不響的他忽然將吃了的 食物嘔吐出來，吐得一枱都是。我們不知所措，先用餐巾遮蓋嘔吐物，然後向侍應解釋一番。侍應竟通知經理，經理趕來詢問，我們卻只顧賠不是。過了幾天，我們 向朋友提起，朋友暴跳如雷，說：「有冇搞錯呀，食到個仔嘔仲要俾錢？唔報食環署算佢好彩！」

一個月後，我們一家三口又出動，逛沙田新城市廣場。行經八百伴的時候，小兒突然跑進賣玻璃器皿的部門，一手推倒一個 花樽；玻璃散得一地都是。女售貨員訓練有素，一面叫人清理，一面對我說：「先生唔該過嚟哩便 ...... 多謝三十五蚊。」先前教訓過我的朋友知道之後，聲淚俱下： 「吓，點解賠錢咁順攤？點解唔搵經理投訴？將啲花樽擺到咁低，咁危險，分明靠害！」

Saif 的餐廳開張當日，我建議不如九折優惠，好過賣廣告。外國來的遊客見這間餐廳不單免收加一，還有九折，都感動得放下較多貼士，有時相等於10%折扣。至於香港人卻無動於衷、精明如故：「老闆，既然新開張咁高興，八折得唔得？」

香港人出名轉數高、食住上。在這個議題上，我好懷疑自己是不是香港人！