也談最低工資

最低工資近日鬧得沸沸揚揚，但理想歸理想，現實歸現實，Saif 一早已經想好對策。他說得坦白：「如果實行最低工資，我一於炒咗嗰幾隻嘢。佢哋乜都唔識，淨係識偷懶。返工遲到唔在講，仲成日掛住講電話，一唔係就聚埋一齊傾偈。二十蚊個鐘我仲可以容忍，試下慢慢培訓。廿五蚊個鐘我使乜請佢哋，不如請啲有經驗嘅好過。」Saif 口中「嗰幾隻嘢」就是三個十六、七歲讀書不成中途輟學的女孩子，現正在 Saif 的餐廳做 part-time 侍應。

然而弔詭的是，如果沒有人肯請「嗰幾隻嘢」，她們又如何能夠累積經驗？沒有經驗又哪會有人請？看來最終又是由政府做冤大頭出錢搞培訓，讓這些毫無經驗的青少年變成「有經驗」，然後大腳交給像 Saif 一樣的僱主，以賺取最低工資。到時這個擾攘多年的政治炸彈就可以輕易拆除了。

不過還有最高工時要解決。最高工時原意是要讓打工一族減少操勞，多點時間休息。但這同時意味着老闆要增聘人手，以維持生產力。有趣的是這項德政真的能讓打 工一族紓緩工作壓力，進而與家人共享天倫？以香港人一向勤勞拼搏的性格，做開一日十個或十二個鐘，突然縮減至八、九小時，難免周身唔舒服，要四出兼職搵外 快。既然立了法，兼職便要偷偷摸摸，到頭來又要受無良僱主剝削，捱到不似人形。兜兜轉轉，何苦來哉！