零時十分，我乘坐的 271 號路線巴士沿吐露港公路上天橋準備進入大埔，卻在一串車龍後面停了下來。等了三分鐘，沒有動靜，司機打了一通電話。「前面撞車！」司機說。大家唯有等，其間電話鈴聲此起彼落。
過了十五分鐘，乘客開始騷動。
有人提議：「司機，可唔可以俾我哋落車？咁樣等唔係辦法。」
「梗係唔得啦！哩度係天橋，又冇行人路，有乜事邊個負責？」司機理直氣壯。
「落咗車當然我自己負責，唔關你事。」
「係囉，我都買咗保險，有事唔使你賠。」另一個插嘴，其他人隨即起鬨。
「我都冇計。我都係依指引辦事。」司機無奈。
「乜嘢指引？又係明愛果 d 死人指引？你唔識執生咩？」
「俾個名我，我要投訴你。」
司機懶理，指一指掛在車門口上方的名牌。說要投訴的人大聲讀出司機的名字，然後抓起手提電話。
「pk，又話熱線，打極都冇人聽。」他愈發扯火。
一個女人從樓上跑下來，對司機說：「可唔可以校細 d 個冷氣？我 BB 瀨 咗尿。」
「拿拿拿，遲早搞出人命，你孭唔孭得起先。」
「xyz@#，再唔開門就報警，告佢非法禁錮。」
「報警都好喎，等警察嚟主持公道。」司機有一句沒一句。
「開門啦，唔該，我由哩度行返屋企最多三十分鐘，好過響度等。」
「係囉，開啦，我趕住返去瞓覺。」
「xyz@#$%*&！」講粗口的人愈來愈多，用詞也愈來愈有創意。
這時，車窗上出現雨點，而且愈來愈密。車廂內頓時沉寂下來，再沒有人要求落車。一輛警車在巴士旁邊掠過，沿路肩駛向前方。不消五分鐘，車龍移動了；整個塞車過程花了約三十五分鐘。
沒有留言:
張貼留言