小孩子是上帝賜給我們的希望。沒有小孩子，真不知道明天會怎樣。現在讓我們進入小孩子的內心世界：
「老虎我唔怕，我最怕曱甴。」
「我唔怕鬼，除非夜晚黑。」
「我鍾意返學，唔鍾意做功課。」
「姨姨，你幾多歲？...... 我估你四歲。」
「媽咪，點解你要化妝？好核突。」
「原來媽咪都要用尿片，不過好細塊。」
「你聽唔聽媽咪話？」「聽。」「咁你俾啲朱古力媽咪幫你保管住。」「Mmmmm ......」
「嗱，好行喇，再唔行媽咪走架喇 ...... 拜拜。」「拜拜。」「咁你以後都見唔到媽咪架喇 ...... 拜拜。」「拜拜。」
「Uncle，點解你日日都着哩條褲？」
「Uncle，點解你咁少頭髮？」
「人地唔鍾意玩打交，哥哥係都要人玩打交。」
「嫲嫲最好人，唔使我講，佢都會開電視俾我睇。媽咪就唔同嘞，我講佢都唔開。」
「伯伯，你就好啦，唔使行路，有車坐，仲有人推。我都想好似你咁。」
「媽咪瞓覺又流口水。爹哋瞓覺又流口水。」
「爹哋，媽咪擒日企上個磅度，個磅爛咗。」
「我憎死爹哋。爹哋第日老咗，我唔理佢。媽咪就唔同嘞。我錫晒媽咪。媽咪老咗，我送媽咪去老人院。」
沒有留言:
張貼留言